ماذا يمكن أن تقول عن حبيبة خائنة ( سلمتي عليه) منتهي الحب

سلمتي عليه
حضنتي عينيه
يبقي باقي ايه
تعتذري ليه
تودعيني
تقتليني
خلاص حبيبتي
مفيش داعي تقولي
مش بتحبيني

من سكات أنا هاأنسحب
مش مهم عذابي
مش مهم أنجرح
المهم أشوف جوا عنيك
فرحه تملي الكون

ها أكمل حياتي بعدك
مع واحده زيك
ها أفصلها علي ايدي
وغلاوتك...
لازم تكون برقتك
لازم تكون فيها حنيتك
كل ملامحك ..صوتك
همسك ..حتي طعم شفايفك
حتي عينك حتي اسمك
ولما تيجي تعتذر
ها اسمح لها أكيد
وايه يفرق صورتك عن أصلك

وانت يا اللي أخذت
مني حياتي
غاليه علي قوي حياتي
با أحلفك جوا عنيك
شيل حياتي